Author Archive

Нүүр хуудас / Author's Article(s) / administrator

Ирээдүйд бэлдэцгээе-Өсвөр насны хүүхдийн цогц хөгжил арга хэмжээ 09/17-ны өдөр амжилттай болж өндөрлөлөө.

Арга хэмжээний хүрээнд эцэг эх, асран хамгаалагчид хүүхэдтэйгээ хүрэлцэн ирж хүүхдээ илүү сайн ойлгож, танин мэдэж, цагийг үр дүнтэй өнгөрүүлэх боломжийг олгосноор онцлогтой байлаа. Өсвөр насныхныг аливаа сорилт бэрхшээлийг өөртөө итгэлтэйгээр даван туулж, ажил, амьдралын аль ч талбарт амжилтад хүрэх бат бөх суурийг бий болгох зорилготой Энтерпрайз аргачлалыг оролцогч нартаа танилцуулав.

Мөн олон улсын көүч Бам Сантиаго хүрэлцэн ирж өсвөр насны хүүхдийн эерэг өсөлт, хөгжилд нь чиглүүлэх Life Coaching семинар орсон ба оролцогчдын сэтгэл ханамж өндөр байлаа.

Дараагийн хэсэгт өсвөр насны хүүхдийн зан төлөв тодорхойлох тестийг авч үр дүнг танилцууллаа.

Энэхүү арга хэмжээнд хүрэлцэн ирсэн нийт хүмүүстэй маш их баярлалаа.

2000 оноос хойш эрс эрчимжсэн технологи, ноу-хау, мэдээлэл, оюуны хувьсгалын их өөрчлөлттэй холбоотой ирээдүйн ажлын байрны өөрчлөлт, түүнтэй нийцэх ирээдүйн ур чадварууд орчин цагт онцгойлон анхаарал татаж байна. Өнөөдөр ЕБС-д суралцаж буй таны хүүхэд 2025-2030 оны үед ид ажлын байранд очно. Ирээдүйд ямар чадамж илүү хэрэгтэй болохыг ирээдүй судлаачид тоймлон гаргажээ. Үүнийг судалдаг ОУ-ын олон хүрээлэн, эрдэмтэд байх бөгөөд тэднийг төрөөс нь дэмжиж, бизнесменүүд тэтгэдэг.

Дэлхийн Эдийн Засгийн форумаас 2025-2030 онд нэн шаардлагатай ур чадваруудын жагсаалт гаргасныг Их Британийн ажлын байр болон ур чадварын зөвлөлөөс (UK Commission and Skills report) үндэслэлтэй зөв хэмээн зөвшөөрч дэлхий даяар бүх ЕБС-иудад хэрэгжүүлэхийг зөвлөжээ.

Энэхүү ур чадваруудаас дурдвал: 

  • Асуудлыг шийдвэрлэх (Problem-solving)
  • Шүүмжлэлт сэтгэлгээ (Critical thinking)
  • Бүтээлч сэтгэлээ (Creativity)
  • Багаар ажиллах чадвар (Coordinating others)
  • Технологийн мэдлэг, ашиглалт (Communications technology)

Манай орны хувьд эдгээр чадваруудыг ЕБС-иуд тэр бүр олгох боломж дутмаг байгаагаас хүүхэд өөрийгөө нээх, танин мэдэх, өөрийгөө илэрхийлэх итгэлгүй байсаар сургуулиа төгсдөг нь тухайн хүүхдийн ирээдүйн боломжийг хязгаарладаг байна. Эдгээрийг хөгжүүлэх нь гэр бүл төдийгүй өсвөр насныхны сорилт болоод байна.

Иймээс бид эцэг, эхчүүдэд туслах мөн ирээдүйд өндөр ур чадвартай Монгол иргэн бэлтгэх зорилготой цогц хөгжлийн Энтерпрайз хөтөлбөрийг Монголын боловсролын системтэй уялдуулан, судалгаан дээр суурилж боловсруулсан бөгөөд ЕБС-ийн хөтөлбөрт төдийлөн заадаггүй ач холбогдол, үнэ цэнэ нь нэмэгдэж буй чухал ойлголтуудыг өгөхөөр зорьж байна.

Энтерпрайз хөтөлбөр нь хүүхэд өөрийнхөө давуу болон сул талыг танин мэдэх, аливаа сорилт бэрхшээлийг өөртөө итгэлтэйгээр даван туулах, ажил, амьдралын аль ч талбарт амжилтад хүрэх бат бөх суурийг бий болгох зорилготой юм.

Энтерпрайз хөтөлбөрийн давуу тал: 

  • Суралцагч төвтэй, хүүхэд бүртэй тулж ажилладаг. 
  • Хүүхдийг дүгнэж шүүдэггүй, алдаа гаргах, түүнээсээ суралцах боломжийг олгодог.
  • Хүүхэд бүрийг давуу талаа танин мэдэж түүнийгээ  улам хөгжүүлж, сул талаа ойлгон удирдах аргачлалд сургадаг.
  • Суралцагчид хувь хүний түвшинд хөгжөөд зогсохгүй, бусадтай баг болон ажиллах, амьдарч буй орчиндоо тулгарч буй асуудлуудыг шийдвэрлэхэд хувь нэмрээ оруулдаг идэвхтэй иргэн байхад сэдэлжүүлдэг.
  • Бүх багш нар маань мэргэшсэн, үндсэн багш нар маань олон улсын хөтөлбөрийн дагуу бэлтгэгдсэн. 

Энтерпрайз хөтөлбөрийн дараах сургалтууддаа элсэлт авч эхэллээ.

1. ӨӨРИЙГӨӨ ЧӨЛӨӨТЭЙ ИЛЭРХИЙЛ (Мэтгэлцээн, Олны өмнө ярих сургалт, Монгол, Англи хэлээр)

2. БУСАДТАЙ ХАМТАР, БОЛОМЖОО НЭМЭГДҮҮЛ (Төслийн менежмент, Хувийн санхүүгийн сургалт)

3. БҮТЭЭЛЧЭЭР СЭТГЭ, ТӨВЛӨРЛӨӨ САЙЖРУУЛ (Уран зураг, DIY сургалт, Монгол, Англи хэлээр)

Бүртгүүлэх холбоос энд дарна уу.

Дэлгэрэнгүй мэдээлэл авах: Фейсбүүк: Educated Space | Facebook

И-мэйл: info@educated.mn

Утас: 77557071, 88213702

Зун дуусахад цөөхөн хоног үлдлээ. Зуны сүүлчийн хоногт үр дүнтэй, зугаатай, ур чадвараа сайжруулахаар төлөвлөж буй өсвөр насныхан болоод эцэг эхчүүд анхаарлаа хандуулна уу. 

Educated-ээс 7 хоногийн хугацаанд үргэлжлэх өсвөр насныхны олон талт чадамжийг хөгжүүлэх, бодит үр дүнд суурилсан өсөлтийн цогц энтерпрайз хөгжлийн хөтөлбөрөө олон улсын хүүхдийн Нарс зуслантай хамтран сүүлийн ээлждээ бүртгэж байна.

Энэхүү хөтөлбөрийг АНУ-ын хөгжлийн сэтгэл зүйч, доктор Ховард Гарднерын олон талт хөгжлийн онолд тулгуурлан боловсруулсан бөгөөд дунд болон ахлах ангийн 10-16 насны өсвөр насныханд зориулсан. Тус хөтөлбөрөөр дамжуулан сурагчдыг өөрийнхөө давуу болон сул талыг танин мэдэж, аливаа сорилт бэрхшээлийг өөртөө итгэлтэйгээр даван туулж, ажил, амьдралын аль ч талбарт амжилтад хүрэх бат бөх суурийг бий болгох зорилготой. 

Хөтөлбөрт:

  • Сонирхолтой математик & Хөгжилтэй шинжлэх ухаан
  • Бясалгал & Иог/Байгальд хичээллэх/
  • Мэтгэлцээн & Номын клуб /Өөрийгөө зөв илэрхийлэх/
  • Уран зураг & Дижитал урлал /Комик, Манга бүтээх/
  • Төслийн менежмент /Бичил төслүүд багаараа хэрэгжүүлнэ.

Хөтөлбөрт хамрагдсан хүүхдүүдийн эцэг эхчүүдийн сэтгэгдлээс:

Хүү маань зуслангаас ирээд 5 хонож байгаа ч энэ хугацаанд хүүгийнхээ талаар хамгийн их санаа зовоодог 2 асуудалд нааштай өөрчлөлтүүд илэрч эхэлж байгааг хараад баяртай байна. Найз нөхөдтэй болж, хөтөлбөрүүд нь их таалагджээ. Үүнээс Дижитал арт, Мэтгэлцээн хоёр сонирхлыг нь их л татжээ. Ээж би энэ 2 чиглэлээр илүү их сурмаар байна гэнэ. Хүүгийн маань ур чадвар, хандлага, харилцааны талаар дэлгэрэнгүй ажиглалтаа бичиж илгээсэн багш нартаа маш их баярлалаа.

Сурагчид ЕБС-ын сургалтын хөтөлбөрт багтаагүй мэтгэлцээн, илтгэх урлаг, өсөж дэвжих хандлага, бүтээлч сэтгэлгээ, төслийн менежмент, хувийн санхүү зэрэг цогц мэдлэгийг авч, аргачлалд суралцаж, бодитоор туршиж дадлагажих замаар илүү зорилго, тэмүүлэлтэй үзэл бодлоо чөлөөтэй илэрхийлэх гэх мэт олон ур чадваруудаа богино хугацаанд эрс сайжруулдаг.

Хөтөлбөрт хэрхэн бүртгүүлэх вэ? 

Өсвөр насныхны олон талт чадамжийг хөгжүүлэх цогц хөтөлбөрт бүртгүүлэхээр бол энд дарна уу.

Дэлгэрэнгүй мэдээллийг энд дарж танилцана уу. Мөн 77557071, 90404858, 88213702 дугаараас лавлана уу.

Эдүкэйтэд Энтерпрайз нь өсвөр насныхны олон талт чадамжийг хөгжүүлэх Growth4teens хөтөлбөрөө олон улсын хүүхдийн Нарс зуслантай хамтран 2022 оны 6, 7, 8 саруудад зохион байгуулах гэж байна.

Энэхүү хөтөлбөрийг АНУ-ын хөгжлийн сэтгэл зүйч, доктор Ховард Гарднерын олон талт хөгжлийн онолд тулгуурлан боловсруулсан бөгөөд дунд болон ахлах ангийн 12-17 насны сурагчдад зориулсан. Тус хөтөлбөрөөр дамжуулан сурагчдыг өөрийнхөө давуу болон сул талыг танин мэдэж, аливаа сорилт бэрхшээлийг өөртөө итгэлтэйгээр даван туулж, ажил, амьдралын аль ч талбарт амжилтад хүрэх бат бөх суурийг бий болгох зорилготой. 

Сургалтыг Эдүкэйтэдийн болон Нарс зуслангийн мэргэшсэн багш нарын баг удирдан явуулна. Бид бодитоор туршуулж, шууд  үр дүнг нь харах боломжтой “энтерпрайз” сургалтын аргачлал, хэрэглэгдэхүүн ашиглан сурагчдын чадвар чадамжийг хөгжүүлж байна. 

1-р сургуулийн 6-р ангийн сурагч Н. Гэгээнбилэгийн сэтгэгдэл:

“Би энэ сургалтад яваад маш их зүйлийг ойлгосон. Тэрний нэг нь мэтгэлцээний ойлголт. Мэтгэлцээн бол хэрүүл биш гэдгийг ойлгож авсан. Ер нь бол ихэнх хүмүүс хэрүүл гэдэг ойлголттой явдаг юм байна лээ. Миний хувьд амьдралд хэрэгтэй, сургуульд заадаггүй ур чадваруудыг сурсан”. 

Өсвөр насныхны олон талт чадамжийг хөгжүүлэх цогц хөтөлбөрт бүртгүүлэх мөн нэмэлт мэдээлэл авахаар бол энд дарна уу.

5 сарын 15-наас өмнө төлбөрөө төлж баталгаажуулбал 10%-ийн хөнгөлөлттэй.

Growth4teens цогц хөтөлбөр хэрэгжүүлсэн туршлагаас:

Эдүкэйтэдийн зүгээс өсвөр насныхны өсөлт хөгжил рүү чиглэсэн сургалтыг хэрэгжүүлэх зорилгоор судалгаанд суурилсан, цогц, гайхалтай үр дүнтэй хөтөлбөр хэрэгжүүлсэн нь өнгөрсөн хоёрдугаар сард зохион байгуулсан өсвөр насныхны олон талт чадамжийг хөгжүүлэх Growth4teens цогц хөтөлбөр юм. 

Сурагчид ЕБС-ын сургалтын хөтөлбөрт багтаагүй мэтгэлцээн, илтгэх урлаг, өсч дэвжих хандлага, бүтээлч сэтгэлгээ, төслийн менежмент, хувийн санхүү зэрэг цогц мэдлэгийг авч, бодитоор туршиж дадлагажих замаар илүү зорилго, тэмүүлэлтэй үзэл бодлоо чөлөөтэй илэрхийлэх гэх мэт олон ур чадваруудаа богино хугацаанд эрс сайжруулсан. Сурагчдаас авсан судалгаанаас үзэхэд сурагчид дээрх ур чадваруудыг эзэмших хөтөлбөрт хамрагдах сонирхол, хэрэгцээ их байдаг нь батлагдсан. 

Бид өсвөр үеийнхны боловсролд чиглэсэн Эдүкэйтэд мэтгэлцээний клубийг байгуулж сурагчид 3 сарын хугацаанд мэтгэлцээнээр дамжуулан аливаа зүйлийг уншиж судлан, дүн шинжилгээ хийж, нотолгоон дээр суурилан, өөрийн байр суурийг хамгаалах, бусдын үзэл бодлыг сонсох, хамтран шийдэл хайх зэрэг ур чадварт суралцаж байна. Түүнчлэн сурагчид нийгмийн тодорхой асуудлын хүрээнд мэтгэлцэх, асуудлыг тодорхойлох, шийдэл гаргахаар практикт суурилсан зорилтод аяллыг хийв. Бид “Өрх бүр хог хаягдлыг заавал ангилах ёстой” сэдвийн хүрээнд дахивар дахин боловсруулах үйлдвэрүүдтэй танилцан өөрсдийн мэдлэг мэдээллээ нэмэгдүүлсэн. 

Өсвөр насныхны олон талт чадамжийг хөгжүүлэх цогц хөтөлбөрт бүртгүүлэх мөн нэмэлт мэдээлэл авахаар бол энд дарна уу.

 

Эрүүл мэндийн подкастын анхны дугаарынхаа товчлолыг та бүхэнд хүргэж байна. Зочноор Очир Медикал эмнэлгийн зөвлөх эмч Б. Энхмаа оролцон элэг, цөс цэвэрлэх болоод уламжлалт анагаах ухааны талаар зөвлөгөө, мэдээллийг хүргэлээ. 

Очир медикал эмнэлэг нь элэг цөс цэвэрлэх эмчилгээг Монголд анх нэвтрүүлсэн эмнэлэг.

Тэрээр өв уламжлагдан ирсэн уламжлалт анагаах ухааны эмч, хүүхдийн эмч, дүрс оношилгооны эмч, ус судлаач юм.

“Хаврын улирал нь элэг, цөс цэвэрлэхэд тохиромжтой улирал”

Яагаад элэг цөсөө цэвэрлэж байх хэрэгтэй вэ?

Улаанбаатарчууд утаанаас улбаалаад маш их хэмжээний хордлогод орсон байгаа.  Мөн Улаанбаатарчууд гэлтгүй хүмүүс олон төрлийн химийн найрлагатай, химийн бодисыг хүлээн авснаар хүн хороо шүүж чадахаа больдог.Тэгэхээр элгээ цэвэрлэж байх нь хорт бодисонд хордохгүй байна гэсэн үг. Элэг нь цусанд орсон хорыг шүүдэг. Хүний цөс өтгөрөөд байх юм бол хаа нэг газар үрэвсэл үүснэ. Цусаа цэвэр байлгахын тулд элэг цөсөө цэвэрлэж байх хэрэгтэй.

Эмчийн хяналттай элэг цөсөө цэвэрлэх нь

Зарим хүмүүс эмчийн хяналтгүй өөрсдөө дур мэдэн элэг цөсөө цэвэрлээд байдаг. Энэ нь буруу. Хүн өөрөө өөртөө оточ байх хэрэгтэй боловч зарим тохиолдолд эмчийн хяналт дор, мэргэжлийн эмчийн зөвлөгөөг дагахыг зөвлөж байна.

Монголчуудын дунд тархсан нийтлэг буруу ойлголтын талаар

Элэг цөс цэвэрлэхийг Монголчууд ганцхан цөс угаана гэж боддог. Цөсний чулаагаа авахуулсан хүний цөсийг угаана гэдэг. Цөсгүй хүний цөсийг яаж угаах юм бэ гэдэг. Гэтэл элэг нь цөсийг үүсгэдэг учир элгэн доторх цөсний сувгуудыг угаана. Тэгэхээр цөсөө ч угаана, элгэн доторх цөсний чулуунуудыг ч угаана. Ийм учраас цөсний чулуугаа авахуулсан хүн илүү сайн угаах хэрэгтэй.

Цөсний чулуутай хүмүүст зөвлөхөд эхлээд заавал консерватив буюу мэсийн бус аргаар эмчилгээ хийлгээрэй. Бидний зүгээс хооллолтын зөвлөгөө өгдөг. Цөсний чулуу хайлдаг болон хайлдаггүй гэж хоёр янз байдаг бөгөөд хүчлийн найрлагатай буюу хүчлээс үүсдэг. Өөрөөр, цөсний чулуу нь хоол, хүний идэж буй хүнснээс хамаарч үүснэ. Тиймээс цөсний чулуутай хүмүүс эмчилгээ хийлгэхэд огт идэж үзээгүй хоолоо идэх шаардлагатай болдог. Тухайн хүний биеийн онцлогт тохирсон эмчилгээгээр цөсний чулууг нь эмчилнэ. Харин цөсний чулуу нь хүндэрсэн буюу өвдөлт нь архагшсан бол мэсийн аргаар авахуулна. Цөсний чулуу нь хайлдаг  бол эмчилгээг тууштай, зөв хийлгэвэл ангижирч болно. Хайлдаггүй цөсний чулууг бол угаана, гаргана гэж хэлэхгүй. Тиймээс заавал мэргэжлийн эмчийн зөвлөгөөг авах шаардлагатай.

Очир медикал эмнэлгийн эмчилгээний тухайд:

Элэг цөс гэж яриад байгаа боловч Очир медикал нь хүмүүсийн хордлого тайлдаг. Араас нь заавал Монгол эм уулгадаг. Монгол эмийн эмчилгээнд заавал хамрагдана. Хоолны зөвлөгөөг аваад үр дүнгээ ЭХО-гоор харна.

Энэ бол ганцхан цэвэрлэгээ биш. Элэг цөс угаахаас гадна элэг, цөс, ходоод, гэдэс, бөөр, үе мөчийг системтэйгээр цэвэрлэдэг. Уушиг, тархи, зүрхийг хүмүүс өөрсдөө цэвэрлэнэ. Тэр аргыг нь бид нар зааж өгнө.

Түүнчлэн Очир медикал эмнэлэг Монгол хүнийн генийн онцлогт тохирсон, Монголын цаг агаарт тохирсон хоол зөвлөгөө,эмчилгээ,сургалт, урьдчилан сэргийлэх аргуудыг сургалтаараа ордог. Суурь эмчилгээн 5 хоног үргэлжилнэ. Үүнд: Элэг цөс угаах, цэвэрлэх, уламжлалт бариа, хүрдний бариа, нурууг нь засах эмчилгээ хийгддэг.

Монголчууд ямар төрлийн хоол хүнс хэрэглэх хэрэгтэй вэ?

2021 оны Австралийн хоол судлаач эмч нар төрөл бүрийн хоолны дэглэмийг  судалжээ. Үүний үр дүнд өөр өөрсдийн уур амьсгалд зохицсон хоол хүнсийг хэрэглэвэл зүйтэй гэсэн үр дүн гарсан. Монголчууд эрт дээр үеэс шөлөөр цадаж төлөөр баяждаг орон гэж хэлдэг байсан. Монголчууд өмнө нь өдөрт 1 аяга шөл иддэг байжээ. Тиймээс аль болох шөл ихтэй халуун чанарын хоол идэхийг хичээх хэрэгтэй.  Нутгийн онцлог, генийн онцлог, цаг агаарын онцлогт тохирсон хүнс хэрэглэх нь зүйтэй.

Подкастыг бүтнээр нь:

https://youtu.be/-2th5mnmJJI

Очир Медикад фейсбүүк хуудас

Энхмаа эмч фейсбүүк хуудас

Бодлогын нөлөөлөл хийж чаддаг, хамтдаа хөгжиж, хамтдаа эерэг өөрчлөлтийг авчирч чаддаг хариуцлагатай иргэдийн нэгдэл болох зорилготой “Эдүкэйтэд Хотол” албан ёсоор нээж, нээлтийн арга хэмжээ 2022/04/23-нд амжилттай болж өнгөрлөө.

Нээлтийн арга хэмжээний хүрээнд Эдүкэйтэд мэтгэлцээний клубийн хүүхдүүд гэр бүлийнхний хамт, түүнчлэн манай хамтрагчид, дэмжигчид, тэр дундаа Монгол дах НҮБ-ын Суурин төлөөлөгч ноён Tapan Mishra, суурин төлөөлөгчийн багийн гишүүд, АНУ-ын Олон улсын хөгжлийн агентлагийн ахлах зөвлөх Steven Winkates, IRI Mongolia байгууллагын суурин төлөөлөгч Craig Castagna зэрэг олон улсын болон үндэсний хэмжээний салбарын манлайлагчид оролцлоо.

Эдүкэйтэд Энтерпрайз ХХК-ийн үүсгэн байгуулагч О.Энхзул  хүрэлцэн ирсэн зочиддоо хотолынхоо зорилго, үйл ажиллагааг танилцуулав.

Арга хэмжээний үеэр Эдүкэйтэд мэтгэлцээний клубийн гишүүн хүүхдүүд маань 2 сарын турш хичээллэснийхээ үр дүнгээ танилцуулж Англи, Монгол хэлээр “Өрх бүр хог, хаягдлаа ангилах нь зүйтэй” сэдвээр мэтгэлцэв. Зочин шүүгчид болон хүүхдүүдийн маань гэр бүлийнхэн мэтгэлцээнээр дамжуулж хүүхдүүд тогтвортой хөгжлийн шалгуур чухал сэдвээр судалгаатай, хэлэх гэсэн санаагаа бүрэн илэрхийлж, нотолгоогоо сайн дэвшүүлж, няцаалтаа ч мөн гаргууд хийж байгааг онцолж, Эдүкэйтэдийн өсвөр үеийнхний хөгжлийн хөтөлбөрт сэтгэл хангалуун байгаагаа илэрхийлж байлаа.

Тухайлбал, мэтгэлцээний клубийн гишүүн Г.Амин – Одын ээж:

Манай хүү Эдүкэйтэдээс зохион байгуулсан Growth4teens хөтөлбөрт анх хамрагдаж өөрийгөө зөвөөр илэрхийлэх, багаар ажиллах гэх мэт олон чадамжид суралцсан нь томчуул бид ч өөрсдөө хөгжих хэрэгтэй гэдгээ ойлгосон. Одоогоор Эдүкэйтэд мэтгэлцээний клубд 2 сар гаруй хичээллэж харьцангуй дотогшоо байсан хүү маань өөрийгөө бүрэн, чөлөөтэй илэрхийлж сурсанд их баяртай байна.

Мөн арга хэмжээний үеэр Эдүкэйтэдийн үйл ажиллагааг(сургалт, судалгаа, эвент, контент, зөвлөх үйлчилгээ) хүмүүст нээлттэй танилцууллаа. Эдүкэйтэдийн эхлүүлж буй брэндийн бүтээгдэхүүн, өөрсдөө технологио боловсруулан, бэлтгэсэн эрүүл хөнгөн идэх болон уух зүйлсээрээ зочдоо дайллаа.

Эдүкэйтэд бүтээгдэхүүн, үйлчилгээ дундаас онцлууштай нь өсвөр насныхны олон талт чадамжийг хөгжүүлэх Growth4Teens зуны хөтөлбөр байлаа. Зуны хөтөлбөрийн талаар дэлгэрэнгүй танилцах бол энд дарна уу.

Эцэст нь хотолын гишүүн болсноор танд ямар давуу талууд үүсгэх вэ гэхээр:

  • Нийгмийн төслүүд буюу өөрийн санаа тавьдаг байгаль орчин, эдийн засаг, нийгмийн асуудлуудыг шийдэлцэхэд хотлын гишүүдийн хамт нийгмийн төслүүд хэрэгжүүлж бодит хувь нэмэр оруулах
  • Цогц хөтөлбөрүүд буюу гэр бүл, хамт олонтойгоо өсөж хөгжих, цагийг үр дүнтэй өнгөрөөх шинэлэг сургалтууд, сонирхолтой эвент цогц хөтөлбөрүүдэд хөнгөлөлттэй хамрагдах
  • Зорилтот аяллууд буюу тогтвортой хөгжлийн зорилтын хүрээнд бодит шийдэл гаргаж, амжилттай кейс нэвтрүүлж буй байгууллагууд, санаачилгуудтай танилцах, туршлага судлах аяллуудад оролцох
  • Бодлогын санаачилгууд буюу бодлогын судалгаа, нийгмийн инновацийн бодит туршилт хийх, үр дүнд суурилсан бодлогын санаачилга, шийдлүүдийг шийдвэр гаргах түвшинд хүргэх, бодлогын нөлөөлөл үзүүлэх зэрэг үйл ажиллагаануудад хамрагдах боломжтой болно.

Хотолын гишүүнээр бүртгүүлэх бол энд дарна уу.

 

Эдүкэйтэд хотол – Хариуцлагатай иргэдийн нэгдэлд та ч мөн нэгдээрэй.

Asher Svidensky, a documentary photographer who introduced Mongolia to the world with his “The Eagle Huntress” photography, is conducting a training on “Using storytelling as an effective communication”  to the public on April 28, 2022. We have invited him to our Educated Interview.

HOW DID YOU START YOUR PHOTOGRAPHY AND CREATIVE PRODUCTION CAREER?

I started my career as a photographer back in 2009 when I was conscripted to the IDF as a military photographer. After completing my service, with honors and at the rank of Sergeant major, I continued working as a photographer by developing large-scale photography projects of my own, specializing in mixing cultural photography with art and storytelling. 

Over the years, many of my images and stories were published in media such as National Geographic, BBC, The Guardian, and many more. As my career as a storyteller developer, I gradually moved to the world of cinema; this happened following the adaptation of one of the photo projects into a full-length film by Sony (The Eagle Huntress). The film premiered at the Sun Dance festival and I was credited both as a producer and 2nd cameraman. Following that, I directed a few short films for UNICEF, People in Need, MBZRCF, and other international organizations. The most recent of these film productions (Changing Skies) has premiered at COP26.

https://youtu.be/Y0z6PdmUj64

WHAT ARE SOME OF THE MOST IMPACTFUL WORKS YOU HAVE DONE SO FAR, IN YOUR OPINION?

As I mentioned before, many of my projects got published in mainstream media, and different film productions I was a part of received massive worldwide exposure – which are very humbling and rewarding experiences. However, as far as I’m concerned, the most cherished and impactful work in my career is the countless public speaking engagements I have done over the years.

While I love developing unique and powerful visual stories, using my skills as a photographer and cinematographer, I always cherished being able to share my experience, professional knowledge, and stories with different audiences all around the world. This is, without a doubt, one of the most rewarding and impactful experiences of my career. Throughout my career, I was privileged enough to share my stories from prestigious stages such as the Oxford natural history museum, TEDXwhitecity, PPOC, the UN headquarters in Thailand, MGM Macau, and the Australian embassy (Mongolia), and many others. I have shared my views and experience about all things revolving around storytelling, art, cultures, and how to best present them to different audiences around the world.

HOW DO YOU DEFINE STORYTELLING? WHY IS IT CONSIDERED TO BE SUCH AN EFFECTIVE TOOL THESE DAYS?

At its core, storytelling is the art of communicating ideas between people. Whether you are talking to a friend, sharing your thoughts with your co-workers, or attempting to write down an interesting article about your interests – in all of these cases, you are essentially telling a story. If your story has a good structure, it’s easy to follow and you present it clearly – people will react better to what you tell them and remember your message. But if your story is a structural mess, not well put together, and is tricky to follow along… not only will your ideas go to waste but you are also wasting your and the listener’s time.

Now, it’s important to understand that storytelling is an art form. When you are engaging with the idea of building a story, it is always helpful to use the hard-earned experience of professionals. Artists who honed their craft and skillsets through years of working on different projects and artistic endeavors. However, this doesn’t mean that storytelling can only be done well by professionals.

Like any other art form in the world, storytelling has a series of technical skill sets and elements that, with proper guidance and training, anyone can learn to use in their everyday life and tell powerful stories. I truly believe that if more individuals or companies would take the time to learn more about the techniques and key elements of storytelling, they would enjoy a higher level and effect of communicating their messages and ideas to the world.

HOW CAN YOU HELP ORGANIZATIONS USE STORYTELLING EFFECTIVELY?

There are a variety of ways to teach storytelling, both on the organizational and individual levels. Beyond teaching key elements of how to think about storytelling and the different structures of building captivating stories, the main idea is always to adapt and customize the training itself to the needs of the group that is engaging with it. 

Sometimes it is best to go all out and teach a series of lectures and training sessions about how to professionally build and tell stories on a detailed and professional level – giving the participants a wide and rich understanding of the art of storytelling which they can apply however they deem fit in their futures. 

At other times, I found that the best way to teach content-creating teams of certain organizations about storytelling is done through consulting. Basically using my own professional experience to lead and guide them as they develop a specific project of their own. Through that guided process we can find a smooth, clear, and reputable creative process for the organization itself which they can easily use in the future and make sure they express their messages clearly to their audience. The main advantage of this style is that it allows the organization to have its very own easy-to-follow process for future work.

Registration link: Asher Svidensky “Using storytelling as an effective communication tool” бүртгэлийн хуудас (google.com)

WHAT ADVICE WOULD YOU GIVE ORGANIZATIONS THAT WANT TO IMPROVE THEIR USE OF STORYTELLING TODAY?

I think that the most important thing that organizations can do to improve their usage of storytelling is to develop a system. A defined process they follow as they begin shaping and choosing which stories they want to put forward to the world and how to best tell them.

 Since organizations deal with multiple objectives, and can’t always have a creative person to come and do the work with them on their stories from start to finish, having a customized process of how to build a story can save a lot of time and energy. If you are not sure where to begin – here is a great way to start: 

 Try to define in a sentence and a half (Tops!) what is the intended message of your story – yes, a story should have only one message as you start off building it. What you are doing with that step is identifying most clearly and simply possible what you are trying to say to the world. 

 Example: “This is a story about how our organization helps disadvantaged individuals acquire high-level education”  

 Once you have that one clear and simple sentence – you are ready to begin to build your story around it. Having this clear “Main objective sentence” in front of your creative team will аffect and improve emancely key decisions like what should or shouldn’t be included in the story, who is the best main character to showcase what are we doing, who might be the main audience for our story and other important elements.

Related links:

 https://www.changingskies.mn

 https://www.svidensky.com/projects

 https://www.imdb.com/title/tt3882074/

 https://www.svidensky.com/videos/tedxwhitecity

 https://www.youtube.com/watch?v=dbEEurty3fc&ab_channel=AsherSvidensky

https://www.youtube.com/watch?v=m8sbsVolmNE&t=24s

Нийтлэлийг Монгол хэлээр унших бол ТҮҮХ ХҮҮРНЭХ НЬ ХАРИЛЦААНЫ ХҮЧТЭЙ ХЭРЭГСЭЛ – Educated дарна уу.

Монгол улсыг “The Eagle Huntress” буюу “Бүргэдчин Охин” уран бүтээлээр дэлхийд таниулж, сурталчилсан баримтат гэрэл зурагчин Ашер Свиденский 2022/4/28нд “Түүх өгүүлэх замаар үр дүнтэй харилцах нь” сургалтаа олон нийтэд нээлттэй зарласантай холбогдуулан түүнийг Эдүкэйтэд ярилцлагын буландаа урьж уншигчиддаа танилцуулж байна. 

ТА ХЭРХЭН ГЭРЭЛ ЗУРАГЧИН БОЛОХ ЭХЛЭЛЭЭ ТАВЬЖ БАЙСАН БЭ?

Би 2009 онд Израилийн Батлан ​​Хамгаалах хүчинд цэргийн гэрэл зурагчнаар алба хааж байхдаа гэрэл зурагчны ажлын гараагаа эхэлсэн. Цэргийн алба хааж, нэр хүндтэй тэргүүн ахлагч болсныхоо дараа ч өөрийн гэсэн томоохон хэмжээний гэрэл зургийн төслүүдийг боловсруулж гэрэл зурагчнаар үргэлжлүүлэн ажилласан.

Миний хувьдсоёлын гэрэл зургийг урлаг, түүх өгүүлэх аргатай хослуулах чиглэлээр  илүү мэргэшсэн. Өнгөрсөн хугацаанд миний зурагнууд National Geographic, BBC, The Guardian гэх мэт олон улсад нэр хүндтэй хэвлэл мэдээллийн хэрэгслээр нийтлэгдсэн. Түүхийг гэрэл зургаар илэрхийлэгчийн хувьд миний гэрэл зургийн төслүүдийн нэг (Бүргэдчин охин) маань Sony-гийн бүрэн хэмжээний кино болсны дараа би аажмаар кино ертөнцөд хөл тавьсан. Уг киног АНУ-ын “Нарны Бүжиг Кино Наадам”-ын үеэр үзүүлсэн бөгөөд би продюсер, 2-р зураглаачаар ажилласан. Үүний дараа UNICEF, Чехийн “People in Need” MBZRCF болон бусад олон улсын байгууллагуудад зориулж хэд хэдэн богино хэмжээний кино найруулсан. Эдгээр киноны хамгийн сүүлийн үеийн бүтээл нь COP26 уулзалтын үеэр гаргасан “Changing Skies” уур амьсгалын өөрчлөлт, агаарын бохирдлын талаарх баримтат кино юм. 

https://youtu.be/Y0z6PdmUj64

ТА ӨӨРИЙН МЭДРЭМЖ, ХҮМҮҮСТ ХҮРГЭХ ГЭСЭН САНААГАА ИЛЭРХИЙЛЖ ЧАДАХУЙЦ ЗУРАГ ДАРЖ СУРАХЫН ТУЛД ХЭР ИХ ХУГАЦАА ЗАРЦУУЛСАН БЭ?

Өмнө нь дурдсанчлан, миний олон төслүүд томоохон хэвлэл мэдээллийн хэрэгслүүд болон кино компаниудаар цацагдаж байсан нь дэлхийн хэмжээнд өөрийгөө харуулах боломж олдсон. Энэ бол миний хувьд нэр төрийн бөгөөд уран бүтээлчийн маань хувьд үнэтэй хувь нэмэр оруулсан үйл явдал болж өнгөрсөн. Гэсэн хэдий ч миний хувьд карьерын маань хамгийн үнэ цэнэтэй, нөлөө бүхий ажил нь өнгөрсөн хугацаанд олны өмнө тавьсан олон олон илтгэлүүд маань юм. Би гэрэл зурагчин, зураглаачийнхаа ур чадварыг ашиглан, өвөрмөц бөгөөд нөлөө бүхий визуал түүхээр бүтээл хийхийг зорьж, өөрийн туршлага, мэргэжлийн ур чадвар, түүхээ дэлхий дахины олон хүмүүст түгээж байгаа нь миний хувьд тэмдэглүүштэй, нөлөө бүхий туршлага байсан. Би карьерынхаа туршид Оксфордын байгалийн түүхийн музей, TEDXwhitecity, PPOC, Тайланд дахь НҮБ-ын төв байр, MGM Макао, Австралийн элчин сайдын яам (Монгол) зэрэг нэр хүндтэй байгууллагуудад өөрийн түүхээ хуваалцах завшаан тохиосон. Би дэлхийн өнцөг булан бүрд байгаа хүмүүст түүх өгүүлэх, урлаг, соёлтой хамааралтай өөрийн хамгийн сайн туршлагыг хуваалцаж байгаадаа баяртай байдаг.

СТОРИТЕЛЛИНГ ГЭЖ ЮУ ВЭ? ЭНЭ НЬ ХЭРХЭН ГЭРЭЛ ЗУРАГТАЙ ХОЛБОГДОЖ БАЙНА ВЭ?

Үндсэндээ бол сторителлинг буюу түүх өгүүлэх нь хүмүүс хоорондоо санаа бодлоо илэрхийлэх урлаг юм. Та найзтайгаа ярилцах, хамтран ажиллагсадтайгаа санал бодлоо хуваалцах эсвэл сонирхлынхоо талаар өгүүлэл бичихийг оролдож байгаа эсэхээс үл хамааран эдгээр бүх тохиолдолд та ямар нэгэн түүх ярьж байдаг. 

Хэрэв таны түүх сайн бүтэцтэй бол хүмүүс таны ярьж байгаа зүйлсийг дэмжих, таны хэлэхийг хүссэн зүйлс тодорхой болно. Мөн бусад хүмүүс таны хэлэхийг хүссэн гол санаанд хариу үйлдэл үзүүлэх болно. Гэвч таны түүх бүтцийн хувьд эмх замбараагүй, эвлүүлэггүй, ойлгоход төвөгтэй байвал таны санаанууд дэмий үрэгдээд  зогсохгүй та өөрийнхөө болон сонсогчдын цагийг дэмий үрж байна гэсэн үг.

Түүх өгүүлэхийг урлагийн нэгэн төрөл гэдгийг ойлгох нь чухал юм. Та өгүүлэх түүхээ бүтээх санаагаа дэвшүүлэхдээ  мэргэжлийн хүмүүсийн шаргуу зүтгэж олсон туршлага дээр үндэслэх нь тустай байдаг. Олон жилийн хугацаанд төрөл бүрийн төсөл, уран бүтээлд хамрагдсан өөрсдийн туршлага, ур чадвараараа үнэлэгддэг хүмүүс байдаг ч түүх өгүүлэх аргыг зөвхөн мэргэжлийн хүмүүс л сайн хийж чадна гэсэн үг бас биш. Дэлхийн бусад урлагийн нэгэн адил түүх өгүүлэх нь хэд хэдэн техникийн ур чадвар, элементүүдийг агуулдаг бөгөөд үүнийг зохих зааварчилгаа, сургалтаар хүн бүр өдөр тутмын амьдралдаа ашиглаж, хүчирхэг түүхийг ярьж, хүүрнэж сурах боломжтой. Хэрэв илүү олон хувь хүн, байгууллагууд түүх өгүүлэх, үндсэн техник элементүүдийн талаар суралцахад цаг гаргавал өөрсдийн хэлэхийг хүссэн гол санаагаа бусдад илүү хүргэхийн үр дүнг мэдрэх болно.

ТА БАЙГУУЛЛАГУУДАД ТҮҮХ ӨГҮҮЛЭХ АРГЫГ ҮР ДҮНТЭЙ АШИГЛАХАД ХЭРХЭН ТУСЛАЖ БАЙНА ВЭ?

Байгууллагын болон хувь хүний төвшинд түүх өгүүлэхийг заах төрөл бүрийн арга байдаг. Түүхээ өгүүлэх, сэтгэл татам түүхийг бүтээх үндсэн элемент, бүтцийг заахаас гадна хамгийн чухал нь сургалтад оролцогч тухайн байгууллага эсвэл хувь хүний хэрэгцээнд сургалтыг загварчлан тохируулах нь чухал. Заримдаа түүхийг нарийвчлан мэргэжлийн түвшинд өгүүлэхэд цуврал лекц, сургалтуудыг өгөх нь хамгийн сайн арга юм. Энэ нь түүх өгүүлэх аргын талаар өргөн, баялаг ойлголт өгөх боломжийг олгодог. 

Зарим байгууллагуудын контент бүтээгчдэд түүх өгүүлэх талаар заах хамгийн сайн арга бол зөвлөгөө өгөх явдал гэдгийг би мэдэж авсан. Тэднийг өөрийн гэсэн тодорхой төсөл боловсруулахад удирдан чиглүүлэхийн тулд өөрийнхөө мэргэжлийн туршлагаа хуваалцдаг. Энэхүү удирдан чиглүүлэлтийн тусламжтайгаар бид байгууллагын ирээдүйд хялбархан ашиглаж болох жигд, ойлгомжтой, онцгой бүтээлч үйл явцыг олж, өөрсдийнх нь хэлэхийг хүссэн гол санааг нь зорилтот сегментэд нь ойлгомжтойгоор илэрхийлж чадна. Үүний давуу тал нь тухайн байгууллага ирээдүйн ажилдаа хялбар дагаж мөрдөх харилцааны хэрэгсэлтэй болох боломжийг мөн олгодог.

Бүртгүүлэх холбоос: Asher Svidensky “Using storytelling as an effective communication tool” бүртгэлийн хуудас (google.com)

ТА ТҮҮХ ӨГҮҮЛЭХ АРГЫН ИЛҮҮ ҮР ДҮНТЭЙ ХЭРЭГЛЭХ ХҮСЭЛТЭЙ БАЙГУУЛЛАГУУДАД ЯМАР ЗӨВЛӨГӨӨ ӨГӨХ ВЭ?

Байгууллагууд түүх өгүүлэх аргыг илүү сайн хэрэглэхийн тулд хийх хамгийн чухал зүйл бол тодорхой процессыг хөгжүүлэх явдал гэж би боддог. Тэдний дагаж мөрдөх тодорхой үйл ажиллагаа нь ямар түүхийг хэрхэн өгүүлэх, хэрхэн хамгийн сайнаар бусдад илэрхийлэх явдал.

Байгууллагууд олон зорилттой ажилладаг бөгөөд үргэлж бүтээлч хүмүүс эхнээс нь дуустал түүхийг бүтээхэд хамтран ажиллаж, бүтээл туурвиж чаддаггүй тул хэрхэн түүх бүтээх талаар өөрт тохирсон үйл явцтай байх нь маш их цаг хугацаа, эрч хүчийг хэмнэдэг. 

Хэрэв та хаанаас эхлэхээ мэдэхгүй байгаа бол энгийн боловч маш сайн арга бол өгүүлэх түүхээрээ хэлэхийг зорьж буй гол санаагаа нэг өгүүлбэр хагаст (хамгийн ихдээ!) багтаан тодорхойлохыг хичээгээрэй – түүхийг бүтээхэд нэг чухал санаа байх ёстой. Энэ алхмаар та хийж байгаа зүйлийнхээ хэлэх гэж буй санаагаа дэлхий нийтэд хамгийн ойлгомжтойгоор, энгийнээр тодорхойлох юм.

 Жишээ нь: “Энэ бол манай байгууллага хэрхэн эмзэг бүлгийн хүмүүст өндөр төвшний боловсрол эзэмшүүлэхэд тусалдаг тухай түүх юм””  

 Нэгэнт ойлгомжтой бөгөөд энгийн өгүүлбэртэй болсон бол түүнийхээ эргэн тойронд түүхээ бүтээхдээ бэлэн болсон байна – Энэхүү “Үндсэн зорилго өгүүлбэр”-ийг байгууллагын түүхийг бүтээгч багийнхаа өмнө тавих нь түүх өгүүлэхэд юуг оруулах, юуг оруулахгүй байх, бидний юу хийж байгааг харуулах шилдэг гол дүр нь хэн бэ, бид юу хийж байна вэ, бидний түүх болон бусад чухал элементийн гол сонсогч нь хэн байх вэ гэх мэт чухал шийдвэрүүдэд сайжруулалт хийхэд нөлөөлдөг.

Холбогдох линк:

 https://www.changingskies.mn

 https://www.svidensky.com/projects

 https://www.svidensky.com/videos/tedxwhitecity

 https://www.youtube.com/watch?v=dbEEurty3fc&ab_channel=AsherSvidensky

https://www.youtube.com/watch?v=m8sbsVolmNE&t=24s

Тогтвортой хөгжил, хүртээмжтэй өсөлт, тогтвортой хөгжлийн зорилгууд /ТХЗ/ гэдэг ойлголтууд бизнесийн салбарынханд ч шууд хамааралтай гэдгийг дэлхийн глобал компаниудаас эхлээд ЖДҮ, гарааны бизнес эрхлэгчид тун сайн ойлгож, компанийхаа философи, бодлого, стратегид тусгаж, хэрэгжүүлэх болсон. Монгол бизнесүүд маань ч тогтвортой хөгжлийн бодлоготой болж, хэрэгжилтийг нь хангаж ажиллаж эхэлж байгаа нь сайшаалтай.

Сүүлийн 10 жилийн хугацаанд дэлхий дахинд “тоглоомын дүрэм” өөрчлөхүйц хэд хэдэн томоохон үйл явдал өрнөжээ. 2015 онд НҮБ-ын санаачилга, удирдлага дор Тогтвортой хөгжлийн зорилгуудыг баталсан. Шведийн залуу тэмцэгч Грета Танберг 2018 онд уур амьсгалын өөрчлөлтийн эсрэг тэмцлээ эхэлснээс хойш дэлхий даяар хүүхэд, залуучууд уур амьсгалын өөрчлөлтийн эсрэг шударга ёсыг урьд өмнөхөөсөө илүү шаардах болсон. COVID-19 цар тахал гарснаас хойш нийгмийн хөгжлийн загваруудын алдаа дутагдал, хүн төрөлхтний хүсэл тэмүүллийн хүрээнд нухацтай асуултуудыг тавих болсон бөгөөд хувь хүн, байгууллага, нийгмийн түвшинд ​​тогтвортой, хүртээмжтэй өсөлтөд шилжихийг шахамдуулах болсон. 

21-р зуунд дижитал эгэлд шилжиж нөгөө талд хүн төвтэй ур чадварууд ихээхэн дутагдах болсон. Бид энэхүү форумаар дамжуулан хувь хүн, байгууллага болон нийгмийн бүлгүүдийн ирээдүйн тогтвортой, хүртээмжтэй өсөлтийг дэмжих мэдлэг, хандлага, ур чадварыг нь хөгжүүлэх, ирээдүйд ямар аргачлалаар явах нь зүйтэйг чиглүүлэх  зорилготой “BE FUTURE READY” буюу “ИРЭЭДҮЙД БЭЛДЭЦГЭЭЕ” форумыг Tools for Growth-Өсөлтийн хурдасгуур уриатайгаар зохион байгуулах гэж байна. 

Зөв сэтгэлгээ, практик арга хэрэгсэл, шаардлагатай ур чадваруудыг хуваалцах гадаад, дотоодын туршлагатай экспертүүд, зочин илтгэгчийн илтгэл, ярилцлагыг хүргэнэ. 

Технологийн дэвшил бидэнд урьд өмнөхөөс илүү их боломжийг олгож дэлхийн хаанаас ч тус онлайн форумыг үзэх боломжтой юм.

Өсөх сэтгэхүй, хүсэл эрмэлзэлтэй хүн бүхнийг энэхүү Виртуал форумд оролцохыг урьж байна.

Хэзээ: 2022/03/24-ны 16:00-17:00

Дэлгэрэнгүй мэдээллийг: 77557071, 90404858 утсаар лавлаарай.

Форумын талаар дэлгэрэнгүй мэдээллийг https://www.facebook.com/events/1002521250669972/ авна уу.