Archive for the
‘Эдүкэйтэд тойм’ Category

Home / Educated highlights

December 3, 2025

Админ

Educated highlights

0

АНГЛИ ХЭЛ ДЭЭРХ ҮНДЭСНИЙ МЭТГЭЛЦЭЭНИЙ АВАРГА ШАЛГАРУУЛАХ ТЭМЦЭЭН 3 ДАХЬ ЖИЛДЭЭ ЗОХИОН БАЙГУУЛАГДАНА

“Эдүкэйтэд”-ийн санаачилгаар Англи хэл дээрх үндэсний мэтгэлцээний аварга шалгаруулах тэмцээнийг (ANEDT 2025) зохион байгуулах гэж байна. Гурав дахь жилдээ болж буй энэхүү тэмцээнд ЕБС-ийн 13-17 насны сурагчид оролцох юм.

Өсвөр насныхны мэтгэлцэх ур чадварыг ахиулах, англи хэлээр санаагаа оновчтой илэрхийлж сурах, олон улсад өрсөлдөх чадварыг нэмэгдүүлэх зорилготой уг тэмцээнд 12-р сарын 7-нийг дуустал цахимаар бүртгүүлэх боломжтой. 12-р сарын 8-нд эхний шатанд шалгарсан 24 багийг зарлана.

Тэмцээнийг 12 дугаар сарын 13-14-нд Улаанбаатар хотноо  “Дэлхийн сургуулиудын мэтгэлцээн”-ий (World Schools Debate) форматаар, 4 үе шатаар зохион байгуулна.

Уламжлал ёсоор орон нутгаас оролцож буй багууд бүртгэлийн хураамжаас чөлөөлөгдөнө.

Бүртгүүлэх холбоос (2025.12.07-ныг дуустал): Энд дарна уу

Тэмцээний удирдамж: Энд дарна уу

Мэтгэлцээний төрөл (World School)-тэй танилцах: Энд дарна уу

Өмнөх жилийн хаалтын тоглолт: Англи хэл дээрх мэтгэлцээний үндэсний аварга шалгаруулах тэмцээний финалын шатны тоглолт -2023 он

И-мэйл: info@educated.mn, 7755-7071

ИРЭЭДҮЙД БЭЛТГЭХ ЭНТЕРПРАЙЗ БОЛОВСРОЛ ЗОРИЛТОТ СУРГУУЛИАДДАА ХҮРЛЭЭ 0

Боловсролын санаачилгууд ТББ нь хүүхэд, залуучууд, ялангуяа өсвөр насны сурагчдыг нийгмийн идэвхтэй иргэн болгон төлөвшүүлэх, эерэг өөрчлөлтийн манлайлагч болох урам зориг өгч, цогц хөгжлийг нь дэмжих зорилгоор “Ирээдүйд бэлтгэх Энтерпрайз” хөтөлбөрийг үндэсний хэмжээнд хэрэгжүүлэхээр зорин ажиллаж байна. Энэ хүрээнд бид Канадын Элчин Сайдын Яам-ны санхүүжилтээр Булган аймгийн Сэлэнгэ сум, Хөвсгөл аймгийн Мөрөн, Хатгал, Ренчинлхүмбэ сумын ЕБС-иудад хүрч хөтөлбөрийн нээлт болон төсөл суурьт энтерпрайз аргачлалаар сурагч, багш нартаа вакумжуулсан сургалтыг  амжилттай зохион байгуулан  ажиллаа. 

Канад сангийн тухай товч мэдээлэл :
Орон нутгийн санаачилгыг дэмжих Канад сан нь Канадын Засгийн газраас хөгжиж буй орнуудын хөгжлийг дэмжсэн тусламжийн хөтөлбөр бөгөөд дэлхийн 100 гаруй улсад хэрэгжиж байна. Уг хөтөлбөр нь ардчилал, сайн засаглалыг хөгжүүлэх, хүний эрх, суурь хэрэгцээг хамгаалан баталгаажуулахад чиглэсэн орон нутгийн санаачилгыг Канадын Элчин сайдын яамаар дамжуулан дэмжин, санхүүжүүлэх зорилготой. Канад сан нь 1997 оноос хойш Монгол Улсад 8 сая гаруй канад долларын 500 гаруй төслийг хэрэгжүүлсэн ба дийлэнх нь ядуурлыг бууруулах, сайн засаглалыг бэхжүүлэх, хүний эрхийг хамгаалахад чиглэсэн байна.

Хичээлийн дараах энэхүү  хөтөлбөр Энтерпрайз боловсролын  аргачлал, төсөл суурьтай сургалтаар дамжуулан сурагчдын ерөнхий чадамжийг хөгжүүлэхэд чиглэгдэнэ.

Үндэсний хэмжээнд хэрэгжүүлж буй ЭНТЕРПРАЙЗ 30 төсөлд танай сургууль нэгдэж, хамтран ажиллах хүсэлтээ Энд дарж илгээх боломжтой. 

Мөн та, танай хамт олон нийгмийн хариуцлагын хүрээнд хүний хөгжил тэр дундаа, ирээдүй болсон хүүхэд багачуудын хөгжилд хувь нэмрээ оруулж ИРЭЭДҮЙД ХАМТДАА БЭЛДЭЦГЭЭЕ. 

Дэлгэрэнгүй мэдээлэл авах: Facebook

И-мэйл: info@educated.mn

Холбоо барих: 7755 7071

ЕРӨНХИЙ БОЛОВСРОЛЫН СУРГУУЛИУДЫГ ХАМТРАН АЖИЛЛАХЫГ УРЬЖ БАЙНА 0

Боловсролын санаачилгууд ТББ нь  хүүхэд, залуучууд ялангуяа өсвөр насны  сурагчдыг нийгмийн идэвхтэй иргэн байх, эерэг өөрчлөлтийн манлайлагч  болоход нь сэдэлжүүлэх, тэдний цогц хөгжлийг дэмжих “Энтерпрайз” хөтөлбөрийг үндэсний  хэмжээнд хэрэгжүүлэх “Энтерпрайз 30”  санаачлагыг эхлүүлээд байна.

Энэхүү хөтөлбөрт хамрагдсанаар сурагчид маань өөрсдийн нийгэмд тулгарч буй аливаа асуудалд шийдэл гарган багаар хамтран ажиллаж, бичил төсөл санаачлан хэрэгжүүлэнгээ ирээдүйд нэн шаардлагатай ур чадваруудаа хөгжүүлэх юм.  Мөн бид хөтөлбөрөөрөө дамжуулж өсвөр үеийн хүүхдүүдэд тогтвортой хөгжил, ирээдүйн ажлын байр, ур чадварын чиг хандлага, тэр дундаа (нийгмийн) энтрепенершип, (нийгмийн) инновацийн талаар ойлголт, соёлыг зорилготой. 

Хөтөлбөр  одоогоор нийслэл, орон нутгийн нийт 3000 гаруй сурагчдад амжилттай хүрсэн байна. 

Энэ удаа бид Орон нутгийн санаачлагыг дэмжих Канад сангийн санхүүжилтээр Энтерпрайз боловсролын хөтөлбөрийг хамтран хэрэгжүүлэх орон нутгийн сургуулиудыг урьж байна.   Орон нутгийн санаачилгыг дэмжих Канад сан нь Канадын Засгийн газраас хөгжиж буй орнуудын хөгжлийг дэмжсэн тусламжийн хөтөлбөр бөгөөд дэлхийн 100 гаруй улсад хэрэгжиж байна. Уг хөтөлбөр нь ардчилал, сайн засаглалыг хөгжүүлэх, хүний эрх, суурь хэрэгцээг хамгаалан баталгаажуулахад чиглэсэн орон нутгийн санаачилгыг Канадын Элчин сайдын яамаар дамжуулан дэмжин, санхүүжүүлэх зорилготой. 

Энтерпрайз хөтөлбөрөөр дамжуулан залуусын ур чадвар, ирээдүйд  хөрөнгө оруулж буй нийт дэмжигч хувь хүн, байгууллагуудадаа чин сэтгэлийн талархал илэрхийлье. 

 

Шинэлэг, бүтээлч аргачлалаар сурагчдаа хөгжүүлэх, хөтөлбөрийн үр шим, ач холбогдлыг ойлгон хамтран хэрэгжүүлэх  сургуулиуд бидэнд хандана уу. 

~ Хөтөлбөрт хамрагдсан сурагчийн сэтгэгдлийг Эндээс  үзнэ үү.

~ Хөтөлбөрт хамрагдсан багшийн сэтгэгдлийг Эндээс  үзнэ үү.

Хичээлийн дараах энэхүү хөтөлбөр нь  ахлах, дунд ангийнханд (12-17 нас) зориулсан бөгөөд  2-2.5 сарын хугацаанд танхим болон цахим хослон 2025 оны хичээлийн жилд хэрэгжинэ. 

~ Дэлгэрэнгүй мэдээллийг Энд дарж авна уу. 

~ Та Энд дарж бүртгүүлнэ үү. (Бүртгэлийг 2025 оны 09 сарын 05 хүртэл хүлээн авна)

ИРЭЭДҮЙД ХАМТДАА БЭЛДЭЦГЭЭЕ!  

June 16, 2025

Админ

Educated highlights

0

Ирээдүйд бэлтгэх-Энтерпрайз хөтөлбөр нь Сэлэнгэ аймгийн Зүүнбүрэн сум болон Баянхонгор аймгийн Галуут суманд амжилттай хэрэгжиж өндөрлөлөө.

Боловсролын Санаачилгууд ТББ-ын хэрэгжүүлдэг Энтерпрайз 30 хөтөлбөр нь Австралийн Засгийн газрын дэмжлэгтэйгээр Сэлэнгэ аймгийн Зүүнбүрэн сум болон Баянхонгор аймгийн Галуут сумын ерөнхий боловсролын сургуулиудад амжилттай хэрэгжиж, үр дүнтэйгээр өндөрлөлөө.

Энэхүү хөтөлбөр нь сурагчдыг төслийн аргаар суралцах, багаар ажиллах, асуудал шийдвэрлэх, манлайлах зэрэг 21-р зуунд шаардлагатай ур чадварыг олгох зорилготой. Хөтөлбөрт хамрагдсан сурагчид  5,5 багт хуваагдан өөрийн сургууль болон орон нутгийн орчинд тулгарч буй бодит асуудлыг тодорхойлж, түүнийг шийдвэрлэх бүтээлч төсөл хэрэгжүүлсэн юм.

Төслийн явцад сурагчид төслийн менежментийн үндсэн ойлголт болох зорилго тодорхойлох, төлөвлөгөө боловсруулах, хэрэгжүүлэх, үр дүнг үнэлэх шат бүрийг бодит туршлага дээр суурилан эзэмшсэн нь тэдний хувьд чухал сургалт, хөгжил болж чадсан юм. Сурагчид зөвхөн ур чадвар эзэмшээд зогсохгүй өөртөө итгэх итгэл, багаар ажиллах, манлайлах чадвараа ахиулсан нь хөтөлбөрийн гол үр дүн байлаа.

Хөтөлбөрийн хаалтын арга хэмжээний үеэр хөтөлбөрт хамрагдсан бүх багш, сурагчдад гэрчилгээ, мөн цаашид бие даан төслөөр суралцах, санаачилга хэрэгжүүлэхэд нь дэмжлэг болох “Ирээдүйд бэлдэцгээе” номыг гардуулсан.

Түүнчлэн Галуут суманд хэрэгжсэн хөтөлбөрийн хүрээнд таван багийн дунд шилдэг төслийн уралдаан зохион байгуулж,

  • 1-р байранд “Ногоон билэг” баг

  • 2-р байранд “Out of the box” баг тус тус шалгарч  багуудад мөнгөн шагнал болон батламжыг гардууллаа.

Энэхүү хөтөлбөрийн үр дүнд оролцогч сурагчид Энтерпрайз аргачлалыг ашиглан цаашид ч бие даан төсөл хэрэгжүүлэх, үе тэнгийнхэндээ чиглүүлэгч багш болж сургуулийнхаа орчинд хичээлээс гадуурх үйл ажиллагаа зохион байгуулах бүрэн чадамжтай болсон юм.

Дэлгэрэнгүй мэдээлэл авах: Facebook

И-мэйл: info@educated.mn

Холбоо барих: 7755 7071

May 14, 2025

Админ

Educated highlights

0

Чингэлтэй дүүргийн ЕБС-иудад хэрэгжүүлсэн “Ирээдүйд бэлтгэх Энтерпрайз” хөтөлбөр амжилттай өндөрлөлөө

Чингэлтэй дүүргийн ерөнхий боловсролын 13 сургуулийн 100 сурагчийг хамарсан “Ирээдүйд бэлтгэх Энтерпрайз” жишиг хөтөлбөр амжилттай хэрэгжиж, хаалтын арга хэмжээ 2025 оны тавдугаар сард боллоо. Таван долоо хоногийн хугацаанд үргэлжилсэн уг хөтөлбөр нь олон улсад шалгарсан Enterprise аргачлалд тулгуурлан хэрэгжсэн бөгөөд сурагчдын бүтээлч сэтгэлгээ, манлайлал, нийгмийн оролцоо, хамтын ажиллагаа зэрэг ур чадварыг төсөлд суурилан хөгжүүлэхэд чиглэсэн юм.

Хөтөлбөрийн хүрээнд сурагчид өөрсдийн санаачилсан нийгмийн төслүүдийг боловсруулан хэрэгжүүлсэн бөгөөд нийт 14 багийн дунд зохион байгуулсан уралдааны дүнгээр:

🏆 117-р сургуулийн “Highway heroes” багийн “Аюулгүй зам, хүүхдийн инээд” төсөл – Тэргүүн байр
🥈 23-р сургуулийн “Тусгал-23” багийн “Үе тэнгийн дээрэлхэлтийг таслан зогсооё” төсөл  – Дэд байр
🥉 61-р сургуулийн “Гэрэлт ирээдүй”  төсөл – Гуравдугаар байр эзэллээ.

Мөн хөтөлбөрт амжилттай оролцож, өөрсдийгөө хөгжүүлэн, бусдыг манлайлан, ур чадвараа дээшлүүлсэн 30 багш, 100 сурагчдад гэрчилгээ гардууллаа.

Энэхүү хөтөлбөрөөр дамжуулан:

  • Сурагчдын бүтээлч байдал, манлайлал, багаар ажиллах ур чадварууд хөгжих
  • Нийгмийн асуудлыг шийдвэрлэх төсөл хэрэгжүүлэх замаар бодит үр дүн гаргах
  • Ирээдүйд хариуцлагатай, эерэг нөлөөтэй иргэн болон төлөвшихөд нь чухал алхам тавигдлаа.

🎯 Хөтөлбөрийн талаарх дэлгэрэнгүй мэдээллийг манай Facebook  хуудсаар орж үзнэ үү.

✅ Хүүхдийн боловсролд хувь нэмрээ оруулахыг хүсвэл 👉 https://fund.mn/enterprise 👈 дарна уу.

0

ЧИНГЭЛТЭЙ ДҮҮРГИЙН ЕРӨНХИЙ БОЛОВСРОЛЫН 13 СУРГУУЛИЙН ХҮРЭЭНД

“ИРЭЭДҮЙД БЭЛТГЭХ ЭНТЕРПРАЙЗ” ХӨТӨЛБӨР ХЭРЭГЖИЖ ЭХЭЛЛЭЭ

Чингэлтэй дүүргийн Иргэдийн Төлөөлөгчдийн Хурлаас өсвөр насны хүүхдүүдийг хөгжүүлэх, гэмт хэрэгт өртөх эрсдэлийг бууруулах, бусаддаа эерэгээр нөлөөлж, нийгмийн асуудлыг шийдвэрлэхэд оролцох бүтээлч иргэн болгон төлөвшүүлэх зорилгоор “Энтерпрайз” хөтөлбөрийг хэрэгжүүлж эхэллээ.

Энэхүү хөтөлбөр нь олон улсын “Энтерпрайз” аргачлалд үндэслэн боловсруулагдсан бөгөөд өсвөр насны хүүхдүүдийн бүтээлч сэтгэлгээ, хүнлэг ур чадварыг хөгжүүлэх, гэмт хэргээс урьдчилан сэргийлэх мэдлэг, мэдээлэл олгох зорилготой. Мөн суралцагчид төслийн менежментийн аргачлалд суралцаж, багаар ажиллах туршлага эзэмшихийн зэрэгцээ салбар салбарын манлайлагч менторуудаас суралцан хамтдаа хөгжих боломжтой юм.

Хөтөлбөрийн хүрээнд Чингэлтэй дүүргийн ерөнхий боловсролын 13 сургуулиас 30 багш, 8–11 дүгээр ангийн 100 хүүхдийг сонгон шалгаруулж, тэднийг төсөл хэрэгжүүлэх, бодит үр дүн гаргахад чиглүүлэн ажиллах юм. Сургууль бүрээс 6–7 сурагч, 2 багш сонгогдон хөтөлбөрт хамрагдаж байна.

Хөтөлбөртэй холбоотой дэлгэрэнгүй мэдээллийг: Facebook хаяг руу хандан авна уу.

“Ирээдүйд бэлтгэх Энтерпрайз 30” хөтөлбөр Дархан уул аймгийн Дархан суманд амжилттай хэрэгжлээ. 0

Дархан-Уул аймгийн өсвөр насны хүүхдүүдийн бүтээлч сэтгэлгээ, ур чадварыг хөгжүүлэх зорилгоор Дархан сумын ЗДТГ-тай хамтран “Ирээдүйд бэлтгэх Энтерпрайз” хөтөлбөрийг хэрэгжүүллээ. Тус хөтөлбөрт Дархан сумын сурагчдын зөвлөлийн 30 сурагч, ерөнхий боловсролын сургуулиудын 30 багш хамрагдсан бөгөөд олон улсын “Энтерпрайз” аргачлалд үндэслэн боловсруулсан үндэсний “Ирээдүйд бэлтгэх Энтерпрайз” жишиг хөтөлбөрийн хүрээнд бүтээлч сэтгэлгээ, хүнлэг ур чадвараа хөгжүүлж, цаашид үе тэнгийн чиглүүлэгч багшаар бэлтгэгдэх боломжтой болж байна. 

Тус хөтөлбөр нь багш,сурагчдад “иргэд болон орон нутгийн” хүрээнд тулгамдаж буй нийгэм, байгаль орчин, бизнесийн асуудлуудыг тодорхойлон хамтран шийдэл гаргах боломжийг олгож байна.

Энтерпрайз хөтөлбөрийн мастер чиглүүлэгч нарын удирдлага дор хөтөлбөрийн багш, сурагчид маань хоёр сарын хугацаанд Тогтвортой хөгжлийн зорилгууд болох хариуцлагатай хэрэглээ, цэвэр ус, үе тэнгийн дээрэлхэлт, жендерийн эрх тэгш байдал зэрэг тулгамдаж буй асуудлуудыг хөндөж, бодит шийдэл гарган төслийн менежментийн арга барилд суралцлаа. 

3-р сарын 22-нд хөтөлбөрийн хаалтын үеэр төслийн  тайланг орон нутгийн удирдлагууд, гэр бүл, анги хамт олон, найз нөхөддөө танилцууллаа.

Энэ үеэр  Дархан сумын Засаг даргын тамгын газраас  баг бүрийн төслийг цаашид бодитоор хэрэгжүүлэхэд дэмжлэг үзүүлэн хамтран ажиллахаар болж тус бүр 5 сая төгрөгийн санхүүжилт олгохоор шийдвэрлэлээ. Энэ нь сурагчдын бодит оролцоотойгоор нийгэмд эерэг өөрчлөлт авчрах чухал алхам болж байна.

 

Хөтөлбөрийн сэтгэгдэл: 

Дархан-Уул аймгийн 9-р сургуулийн нийгмийн ажилтан Б.Болортуяа: 

“Төслийн үйл ажиллагаа нь сурагч төвтэй явагдаад ирэхээр хүүхдүүд маань илүү их идэвхтэй, санаачилгатай болж төслөө цаашид үргэлжлүүлээд явах боломжтой гэдгийг хараад ирэхээр чиглүүлэгч багш нар маань хүүхдүүдээ дэмжээд хүүхдүүдийнхээ санаанд тулгуурлаж гол санаагаа бий болгоод цаашаагаа явах нь зөв. Энэ талаараа цаашид өөрсдийнхөө ажил, сургуулиудад, ер нь хаана ч хэрэгжүүлээд явахад дөхөмтэй юм байна. Мөн өөрийнхөө суралцсан зүйлсээ бусад багш, шавь, сурагч нартаа ажил болгоод түгээгээд явах ёстой юм байна гэдгийг суралцаж ойлголоо.” Facebook

 

March 20, 2025

Админ

Educated highlights

Дархан-Уул аймгийн төрийн албан хаагчдыг чадавхжуулах модуль сургалтуудыг зохион байгууллаа 0

Европын Холбооны хамтарсан санхүүжилттэй Найрамдал төслийн II зорилтын хүрээнд Төрийн албан хаагчдыг чадавхжуулах 10 Модуль  сургалтын хөтөлбөрийг орон нутгийн  төрийн албан хаагчдын хэрэгцээнд тулгуурлан боловсруулсан байна. 

Энэхүү хөтөлбөрийн хүрээнд Эдүкэйтэд Энтерпрайз ХХК нь:

  1. “Тогтвортой хөгжлийн зорилгыг нутагшуулах нь”
  2. “Загварчлах сэтгэлгээ”
  3. “Сэтгэлгээний хөгжил”
  4. “Системийн сэтгэлгээ”
  5. “Шинэ эгэл орчинд ажиллах, амьдрах чадамж” 
  6. “Интрапренершип” гэсэн нийт  6 Модуль сургалтыг Дархан-Уул аймгийн төрийн албан хаагч, Иргэдийн төлөөлөгчдийн хурлын төлөөлөгчид, аймаг, сум, багийн мэргэжилтнүүдийн хүрээнд амжилттай зохион байгууллаа.

Сургалтанд хамрагдсан оролцогчдын сэтгэгдэл: 

Байгалийн ухааны боловсрол хариуцсан ахлах арга зүйч Амаржаргал: “Бид нар өмнө нь Төрийн албан хаагчийн сургалт гэдгийг бүгд нэг танхимд цуглаад зэрэгцэж сууж байгаад сургалтанд оролцох ёстой гэсэн ойлголтыг халсан нь маш шинэлэг байсан. Бүгд нэг баг болж мөн багаа дотроо сэлгэж ангид байгаа бүх хүнтэйгээ танилцаж, таньж мэдэх, ярилцах, хамтрах боломж олгосон нь онцлог байлаа.” Facebook

Дархан-Уул аймгийн Эрүүл мэндийн даатгалын хэлтэсийн мэргэжилтэн Д.Энхтуяа: “Сургалтаас юу сурсан бэ? Гэвэл багаар ажиллах гэдэг бол их чухал юм байна.Хүнийг өөрчлөх ер нь хэцүү. Яагаад гэвэл хүн өдий насандаа өөрийнхөө бүх хэв шинжийг олоод авцан байдаг.  Гэвч хүн  өөртөө ингээд жижигхэн өөрчлөлт хийгээд байх юм бол цаашдаа илүү их амжилтыг бий болгох юм байна гэдгийг ойлголоо. Энэ сургалт миний хувьд бол ажил, амьдралд маань үр өгөөжөө өгсөн гоё сургалт болж байна.” Facebook

January 28, 2025

Админ

Educated highlights

2025 онд байгууллага болон хувь хүний карьер хөгжүүлэлтэд туслах 9 тренд

2025 онд байгууллага болон хувь хүний карьер хөгжүүлэлтэд туслах 9 тренд 0

Форбес сэтгүүлийн нийтлэлч Виллиам Арруда нь жил бүр карьераа өсгөх, ажлын байран дээр илүү их амжилт, сэтгэл ханамжийг авчрах хувь хүний брэндингийн топ нууцуудыг хуваалцдаг билээ. Тэгвэл тэрээр 2025 оны карьер төлөвлөгөөндөө дараах есөн чухал чиг хандлагыг анхаарч үзэхийг зөвлөжээ. 

Энэ жилийн чиг хандлагууд нь таны бусдаас ялгарах давуу талуудыг тодотгон харуулах, өөрт тохирсон ажлыг болон суралцах арга барилыг бий болгоход илүү чиглэсэн байна. Эдгээр аргуудыг ашиглан карьераа нэмэгдүүлээрэй

  1. Хосолмол ажлын загвар: Ажлын уян хатан байдал (гэрээсээ ажиллах) ба оффист ажиллах – 2025 онд гэрээсээ ажиллах(цахимаар ажиллах), оффист ажиллах гэсэн хосолмол ажлын арга нийтэд дэлгэрч байна. Компанийн удирдлагууд ажилтнуудынхаа ихэнх цагийг оффист өнгөрүүлэхийг шаардаж байгаа бол нөгөө талаас ажилтнууд уян хатан, алсын зайны ажлын боломжийг шаардаж эхэлж байна. Ажил олгогчдын зүгээс тавьж буй уг шаардлага нэмэгдэх тусам хоорондын зөрчил нэмэгдэнэ гэж үзжээ.
  1. Олон чиглэлээр ажиллах: Олон карьерын хэв маяг- Олон чиглэлээр ажиллах буюу нэгэн зэрэг олон ажил, төсөлд оролцох нь сүүлийн жилүүдэд ихээхэн эрсдэлтэй болж байна. Хэдийгээр уян хатан байдал, орлогын олон эх үүсвэрийг бий болгох давуу талтай боловч ажлаас халшрах шинжийг нэмэгдүүлэх болон ажлын байрны тогтвортой байдалд томоохон эрсдэлүүдийг бий болгож байна. 2025 онд энэ хандлага улам бүр нэмэгдэх төлөвтэй байгаа ба байгууллагууд ажилчдынхаа олон чиглэлээр ажиллах байдлыг дэмжихийн тулд уламжлалт ажлын загвараа өөрчлөх шаардлагатай болж болзошгүй юм гэж үзжээ..
  1. Олон талт оролцооны шинэ хандлага- 2025 онд ажлын байранд уламжлалт хүчин зүйлс болох арьс өнгө, угсаа гаралд төвлөрөхөөс илүү хувь хүний онцгой ур чадвар, үзэл бодол, туршлагыг үнэлэхэд төвлөрнө.
  1. Аудио болон подкаст- Аудио контент нь үнэ цэнээ хадгалсан хэвээр байна. 2024 оны байдлаар АНУ-д 12 ба түүнээс дээш насны иргэдийн 47% нь сард дор хаяж нэг удаа подкаст сонсдог гэж мэдээлсэн нь цар тахлын үеийн (2021 он) 41%-тай харьцуулахад ихээхэн өссөн харагдаж байна. Үүний зэрэгцээ дуу хоолойны технологи нь хувь хүний брэндийн чухал хэсэг болж, хиймэл оюун ухаанд суурилсан дуу хоолойны хэрэгслүүд нь менторшип, манлайлал, хүний дуу хоолойд тулгуурласан сургалт хөгжлийг дэмжих замаар карьерын өсөлтийг хурдасгана.
  1. Видео контент- 2025 онд видео контент хувь хүний брэнд хөгжүүлэх хамгийн чухал хэрэгсэл хэвээр байна. Жишээлбэл, LinkedIn дээр видео постууд текст суурьтай нийтлэлээс илүү өндөр хандалттай байдаг. Өндөр чанартай зураглал, өгүүлэмжтэй видео контент нь үзэгчдийн анхаарлыг татах гол түлхүүр болох бөгөөд видеог сайн ашиглаж чадсан хүмүүс илүү тодорч, байгууллагууд ажилтнуудаа видео контент бүтээх ур чадварт сургах нь нэмэгдэнэ гэж үзэж байна.
  1. Ажлын байрны орчныг бүрдүүлэх – AI болон дэвшилтэт технологийн ачаар компаниуд ажилтнуудынхаа карьерын зорилгод тохирсон ажлын туршлагыг санал болгож байна. Mastercard-ийн Build Your Own Career, Unilever-ийн Flex Experiences зэрэг хөтөлбөрүүд нь ажилчдад өсөлтөө удирдах, олон боломжийг судлах нөхцөлийг бүрдүүлж байна. Энэ хандлага нь “нэг загвар бүгдэд тохирно” гэх хэв маягийг халж  байгууллагууд ажилчдынхаа ур чадвар, карьерын зорилгыг дэмжих хувийн төлөвлөгөө боловсруулж, хэрэгжүүлэхэд анхаарал хандуулах болно гэж үзжээ.
  1. Сургалтын шинэ хандлага- Цар тахлын үед сургалтууд цахим хэлбэрт шилжиж, суралцагчдад уян хатан байдлыг бий болгож чадсан ч оролцоот, хүртээмжтэй байдал асуудал болон гарч ирэв. Maven зэрэг компаниуд уг асуудлыг түрүүлж харж, хамт олны оролцоог чухалчилсан сургалтын хөтөлбөрүүдийг санал болгож байна. 2025 онд компаниуд цахим сургалтын уян хатан байдлыг амьд, харилцан үйлчлэлтэй сургалттай хосолсон загварыг нэвтрүүлж, илүү үр дүнтэй, бодитой сургалтын орчныг бүрдүүлэхэд анхаарах болно.
  1. Хиймэл оюун ухааны эерэг өсөлт- 2025 онд хиймэл оюун ухаан (AI) нь хувь хүний брэндийг бүтээх болон мэргэжлийн ур чадварыг хөгжүүлэх гол хүчин зүйл хэвээр байх болно. AI-д суурилсан хэрэгслүүд ажлын урсгалыг хялбарчилж, сургалтуудыг хувь хүнд тохируулан оновчтой болгохын зэрэгцээ контент бүтээх, үзэгчдийг татах шинэлэг шийдлүүдийг бий болгож байна. AI-г үр дүнтэй ашигласнаар бүтээмжээ нэмэгдүүлж, харилцаа тогтоох, брэндээ өргөжүүлэхэд илүү их цаг гаргах боломжтой болжээ.
  1. Хөгжилтэй байдлыг нэмэгдүүлэх үе- 2025 онд ажлын соёл болон хувь хүний брэнд нь хөгжилтэй байдал руу анхаарлаа хандуулах болно. Тархи судлалын судалгаагаар хөгжилтэй байдал нь хүмүүсийн оролцоог нэмэгдүүлж, бүтээмжийг сайжруулдаг болохыг баталсан. Компаниуд ажилчдынхаа орчинд хөгжилтэй хандлагыг нэмэгдүүлж эхэлсэн бол боловсрол, карьерын байгууллагууд платформдоо хөгжилтэй тоглоом, элементүүдийг шингээж эхэлж байна. Контентийн өрсөлдөөнт орчинд мэргэжилтнүүд илүү хөгжилтэй, илүү сонирхол татахуйц контент бүтээж, брэнд болон дагагчдынхаа хүрээг тэлэх болно.

 

Эх сурвалж: 9 Personal Branding Trends For 2025

 

December 9, 2024

Админ

Educated highlights

ИРЭЭДҮЙДЭЭ ХӨРӨНГӨ ОРУУЛЖ, ТАТВАРЫН ХӨНГӨЛӨЛТ ЭДЛЭХ БОЛОМЖ

ИРЭЭДҮЙДЭЭ ХӨРӨНГӨ ОРУУЛЖ, ТАТВАРЫН ХӨНГӨЛӨЛТ ЭДЛЭХ БОЛОМЖ 0

ИРЭЭДҮЙДЭЭ ХӨРӨНГӨ ОРУУЛЖ, ТАТВАРЫН ХӨНГӨЛӨЛТ ЭДЛЭЕ

Танай байгууллага нийгмийнхээ тогтвортой хөгжилд хэрхэн хувь нэмрээ оруулдаг вэ?

Монгол улсын засгийн газрын 2024-2028 оны үйл ажиллагааны хөтөлбөрт хөрөнгө оруулалт, хувийн хэвшлийг татварын бодлогоор дэмжихээр тусгасан. “ААНОАТ тухай хууль”-д нэмэлт өөрчлөлт орж бизнес эрхлэгч таныг нийгэмд чиглэсэн хөрөнгө оруулалт хийх тэр дундаа төрийн өмчит болон орон нутгийн өмчит ЕБС-н боловсролд хөрөнгө оруулалт хийж санхүүгийн дэмжлэг, хандив үзүүлбэл татвар ногдох орлогын 1% хүртэлх дүнгээр төлбөл зохих албан татвараас шууд хасаж хөнгөлөхөөр тусгасан байна. Жишээлбэл: Таны тухайн жилийн татвар ногдох орлого 1 тэрбум байхад та 10 сая хүртэл дүнгээр хөрөнгө оруулалт, санхүүгийн дэмжлэг, хандив төлбөл зохих татвараасаа хасуулах боломжтой. Өөрөөр хэлбэл та, танай байгууллага төрийн хангалттай хүрч, шийдэж чадахгүй байгаа хэсэгт хүрч өөрийн хувь нэмрээ оруулах замаар татварын байгууллагад төлөх байсан татвараа нийгмийнхээ хөгжилд зориулах боломжтой боллоо гэсэн үг юм.

Тэгвэл та нийгмийнхээ өсөлт, хөгжилд хэрхэн хөрөнгө оруулах боломжтой вэ?

Манай “Боловсролын санаачилгууд” ТББ нь хүүхэд, залуучууд ялангуяа өсвөр насны сурагчдын цогц хөгжлийг дэмжих, эерэг өөрчлөлтийн манлайлагч болоход нь сэдэлжүүлэх “Ирээдүйд бэлтгэх ЭНТЕРПРАЙЗ” хөтөлбөрийг үндэсний хэмжээнд хэрэгжүүлэх ЭНТЕРПРАЙЗ 30 санаачилгыг Тогтвортой хөгжлийн зорилго ТХЗ 4 Чанартай боловсролд чиглүүлэн хэрэгжүүлж байна.

 

  • Завхан аймгийн Сантмаргаз сумын Ерөнхий боловсролын сургуулийн нийгмийн ажилтан “Сурагчдын ерөнхий чадамж хөгжүүлэх тал дээр үнэхээр дутмаг”, танай хөтөлбөр ус агаар мэт хэрэгтэй байна.
  • Увс аймгийн Наранбулаг сумын ерөнхий боловсролын сургуулийн эцэг эхийн төлөөлөл “Энэ ур чадваруудын талаар хүүхдүүдэд маань тохирох сургалт байдаггүй” гэх зэргээр бидэнд одоогоор 21 аймгийн 100 орчим сургууль Энтерпрайз хөтөлбөрийг хамтран хэрэгжүүлэх хүсэлтээ илэрхийлээд байна.

Бид тодорхой хэмжээний сонгон шалгаруулалт хийсний үндсэн дээр алслагдсан сум, дүүргүүдэд чиглэн, 2025 ондоо багтаж нийт 30 байршилд хөтөлбөрөө хэрэгжүүлнэ. Одоогоор бид Баянхонгор аймгийн Бууцагаан суманд хөтөлбөрөө амжилттай хэрэгжүүлээд байна. Хөтөлбөрийн явц болон сэтгэгдлийг энд дарж үзнэ үү.

Үндэсний хэмжээнд хэрэгжүүлэхээр зорьж буй “Ирээдүйд бэлтгэх ЭНТЕРПРАЙЗ” хөтөлбөрт танай байгууллагыг амжиж нэгдэхийг урьж байна.

Чанартай боловсрол тэр дундаа ирээдүйн иргэд болох хүүхдүүдийнхээ цогц хөгжилд хувь нэмрээ оруулах замаар ирээдүйдээ хөрөнгө оруулж, өөрийн байгууллагын тогтвортой хөгжлийн тайлан мэдээндээ бодит үр дүнг тусгаж, татвараас хөнгөлөгдөх боломжтой боллоо.

ЭНТЕРПРАЙЗ 30 санаачилгад ЭНД дарж нэгдэнэ үү.

Ирээдүйд хамтдаа бэлдэцгээе! 

Бидэнтэй холбоо барих : 7755-7071, info@educated.mn