Бидний тухай

Educated Enterprise


Бидний зорилго: Боловсролтой, зөв зорилготой, нийгмийг тогтвортой, эерэг хөгжилд хөтлөгч давхаргыг нэмэгдүүлэх

Зорилгоо хэрэгжүүлэхийн тулд дараахь үйл ажиллагааг явуулна.

1. Нийгмийг зөв хөгжилд сэдэлжүүлэн, чиглүүлсэн нийтлэл, бичвэрүүдийг цахим хуудсуудаараа дамжуулан үнэгүй тараана.
2. Хувь хүний болон бизнесийн хөгжлийн чиглэлээр богино, дунд хугацааны сургалт болон арга хэмжээг зохион байгуулна.
3. Жижиг, дунд бизнесүүдийг дэмжин, хөнгөлөлттэй нөхцлөөр бизнесийн зөвлөгөө өгнө.
4. Шаардлагатай судалгаа шинжилгээг хийж зорилтот тайлангуудыг боловсруулна.


2016 он: Хувь хүний болон бизнесийн хөгжлийн чиглэлээр дэлхийн түвшний мэдлэг, мэдээллийг Монгол залууст эх хэлээр нь үнэ төлбөргүй хүргэх зорилготойгоор Educated.mn цахим портал ажиллаж эхэлсэн.


2017 он: Боловсролтой, зөв зорилготой, нийгмийг эерэг хөгжилд хөтлөх давхаргыг тэлэх зорилго бүхий Educated Initiatives NGO / Боловсролын Санаачилгууд ТББ болон үйл ажиллагаагаа өргөжүүлсэн.


2018 он: Улсын, хувийн хэвшлийн болон олон улсын бүх төрлийн боловсрол - хөгжлийн байгууллагуудтай хамтран ажиллаж Нийгмийн бизнесийг загвар болгон хөгжүүлж илүү олон хөгжлийн манлайлагчдыг бий болгох зорилгоор Эдүкэйтэд Энтерпрайз ХХК /Educated Enterprise/ болж үйл ажиллагаагаа өргөжүүлсэн.

Зөвлөх баг

Г.Ганзориг
Зөвлөх
Ганзориг нь АНУ-ын “Колорадогийн Их Сургууль”-ийн бакалавр, Япон улсын “Waseda Их Сургууль”-ийн Бизнесийн удирдлагын магистрын зэрэгтэй. Тэрээр “МБиСи” (Mongolian Beverages Company), “Newcom Property” зэрэг томоохон хувийн хэвшлийн компаниудын удирдлагын багт ажиллаж байснаас гадна, “Хадгаламж” банкны байгууллагын харилцагчдыг хариуцан ажиллаж байсан туршлагатай. Одоо тэрээр “Мастер Групп”-т гүйцэтгэх захирлаар ажиллаж байна.
Х.Ариунгоо
Зөвлөх
Ариунгоо нь МУИС-ийн “Хууль Зүйн Сургууль”-ийг олон улсын эрх зүйч мэргэжлээр, Япон улсын “Нагояагийн Их Сургууль”-ийг эрх зүйн магистр зэрэгтэй төгссөн. Тэрээр төр, хувийн хэвшил, олон улсын байгууллагуудад ажиллаж байсан өргөн туршлагатай. Очир Ундраа ХХК-д Бизнес хөгжлийн албаны даргаар ажиллаж байх үедээ импортыг орлох бүтээгдэхүүн, үйлчилгээг нэвтрүүлэх чиглэлээр амжилттай ажиллаж, үүний дараагаар олон улсын хуулийн фирмүүдэд бизнесийн болон нийгмийн салбар, тэр дундаа хүүхдийн эрх, хүүхэд хамгааллын чиглэлээр хуулийн төсөл боловсруулах ажилд санал өгч байв. Аринугоо нь Дэлхийн банк, Азийн хөгжлийн банк, Швейцарийн Хөгжлийн Агентлаг, НҮБХХ-ийн төслүүд дээр ажиллахаас гадна хуулийн асуудлаар мэргэжлийн ном, сэтгүүл, эмхэтгэлд өөрийн бүтээлээ хэвлүүлж байсан.
Б.Идэр
Зөвлөх
Идэр нь МУИС-ийн "Бизнесийн Сургууль"-ийг (хуучнаар Эдийн Засгийн Сургууль) санхүүч мэргэжлээр, АНУ-ын "Брандайсийн Их Сургууль"-ийг олон улсын тогтвортой хөгжлийн магистр зэрэгтэй төгссөн. Тэрээр тогтвортой, байгаль орчинд ээлтэй, орон нутгийн иргэдийн амжиргааг дэмжсэн аялал жуулчлалын салбарт 10 гаруй жил Монгол, АНУ болон Төв Америкийн Белиз улсад ажилласан туршлагатай. Одоо тэрээр АНУ-ын Нью-Йорк хотод "Нэгдсэн Үндэсний Байгууллагын Хөгжлийн Хөтөлбөр”-ийн төв салбарт тогтвортой хөгжлийн судлаачаар ажиллаж байна.

Багийн гишүүд

О.Энхзул
Гүйцэтгэх захирал
Азийн зах зээлүүд, энтрепренершип, инновацийн чиглэлээр мэргэшиж буй өсөлтийн стратегийн зөвлөх. Тэрээр “Эдүкэйтэд Энтерпрайз” ХХК-ийг үүсгэн байгуулснаас гадна Монгол, Филиппин, Непал, Камбож, Хонг Конг /БНХАУ/ зэрэг орнуудад албан ёсны төлөөлөлтэй “Азийн Бизнесийн Холбоо”-г үүсгэн байгуулагч, мөн гүйцэтгэх захирлаар ажиллаж байна. Тус холбоо нь Dezan Shira & Associates, Montgomery Fitch and Associates, Warwick & Roger зэрэг олон улсын байгууллагуудын Төв Азийг хариуцсан төлөөлөгч байгууллага юм. Энхзул нь төр, хувийн хэвшил, олон улсын хөгжлийн байгууллагууд, иргэний нийгмийн харилцаа холбоог хангаж ажилладаг нийгмийн энтрепренершип, нийгмийн инновацийн судлаач, хэрэгжүүлэгч юм.
Ж.Энхжин
Үйл ажиллагаа хариуцсан захирал
Энхжин нь бизнес хөгжил, инноваци, өгөгдлөлд суурилсан судалгаа шинжилгээнд үндэслэн бизнесийн шийдвэрийг үр дүнтэй гаргахад суралцан мэргэшиж буй бизнесийн зөвлөх. Тэрээр “Эдүкэйтэд Энтерпрайз” ХХК-ийг хамтран үүсгэн байгуулсан ба үйл ажиллагаа эрхэлсэн захирлаар ажиллаж байна. Мэдээлэл технологи буюу компьютерийн шинжлэх ухааны бакалавр, бизнесийн удирдлагын магистр зэрэгтэй. Мэдээлэл харилцаа, холбооны жижгээс томоохон аж ахуй нэгжүүдэд систем хөгжүүлэгч, бизнес шинжээчээр мөн олон улсын тээвэр зуучлалын компанид 10 гаруй жил мэдээлэл технологийн менежерээс үйл ажиллагаа эрхэлсэн захиралаар ажилласан туршлагатай. Энхжин нь боловсролын жигд, хүртээмжтэй байдалд санаа зовнин залуу үеийн өрсөлдөх чадварыг өсгөх, хөгжүүлэх төсөл хөтөлбөрүүдэд өөрийн сурсан мэдсэнээрээ дэмжин ажиллаж байна.

П. Болорчулуун
Санхүүгийн менежер, зөвлөх
Болорчулуун нь Анагаахын Шинжлэх Ухааны Үндэсний Их Сургуулийг "Эрүүл мэндийн мэдээллийн технологич" мэргэжлээр төгсөж, Монгол улсын эрүүл мэндийн салбарыг цахимжуулах үйл ажиллагаанд хувь нэмрээ оруулан, Улсын гуравдугаар төв эмнэлгийн IT инженерээр 8 жил ажилласан туршлагатай. Хийж буй зүйлдээ эзэн болж, хариуцлагатай байдлаараа үлгэр жишээ болон хамт олноо манлайлан ажиллаж байсан хэдий ч өөрийгөө шинэ сорилтоор туршин IT мэргэжлийнхэний онцлог логик уялдаа холбоог сайн ойлгож дүн шинжилгээ хийх чадвараа ашиглан нягтлан бодох бүртгэлээр дахин суралцаж карьерын шинэ замналыг сонгон ажиллаж байна. Цаашид өөрийн сонирхолд тулгуурлан залуусын санхүүгийн боловсролыг дээшлүүлэх сургалт судалгаануудыг хийхийн зэрэгцээ Эдүкэйтэдээс хэрэгжүүлж буй нийгмийн төсөл хөтөлбөрүүдийн судалгаа болон гүйцэтгэлийг хангах ажлууд дээр өндөр оролцоотойгоор ажиллах зорилготой.
Б.Энхсайхан
Борлуулалт, маркетинг менежер
Энхсайхан нь “МУИС”-ийн Олон Улсын Худалдааны мэргэжлээр төгссөн. Тэрээр Монголын Залуучуудын Холбооны “CIM” клубийн гишүүн байсан ба тус холбооны “Mega skills” буюу хувь хүний хөгжлийн цуврал сургалтад хамрагдаж, олон нийтийн болон сайн дурын ажлын зохион байгуулалтын багт ажиллаж байсан туршлагатай. Мөн Эдүкэйтэдийн арга хэмжээ, эвент зохин байгуулах багт ажиллаж байна. Шинэ зүйлийг эрэлхийлж, ахиж дэвшихийг алхам тутамдаа тэмүүлдэг бөгөөд цаашдаа төслийн судалгаа болон нийгэм рүү чиглэсэн ажил хийхээр зорьж байна.
Д.Мөнх-Эрдэнэ
Борлуулалт, маркетинг менежер
Мөнх-эрдэнэ нь ШУТИС-БУХСургуулийн бизнесийн удирдлага, маркетинг менежмент мэргэжлээр төгссөн. Тэрээр олон нийтийн ажил болон сайн дурын нийгмийн ажилд оролцон, хувь хүний хөгжил тал дээр өөрийгөө болон бусадтай хамт хөгжих сонирхолтой бөгөөд Эдүкэйтэдийн арга хэмжээ эвент зохион байгуулах, брэндийг бий болгох маркетинг хөгжүүлэх ажил хийхээр зорин ажиллаж байна.
Ж.Шатар
Дизайнер
Шатар нь ШУТИС-ийн Үйлдвэр Технологийн Сургуулийн График дизайны ангийн оюутан. Сурахын хажуугаар “Эдүкэйтэд”-д төрөл бүрийн эвентийн арга хэмжээнд сайн дурын ажилтан хийдэг. Мөн тус байгууллагад график дизайнераар ажиллаж байна. Цаашдаа UX дизайнер болохын төлөө өөрийгөө хөгжүүлж байгаа бөгөөд үүний хажуугаар хамгийн их санаа зовоодог зүйлсийн нэг нь болох байгаль орчны бохирдол, доройтлын эсрэг мэргэжлийн болон хувь хүний зүгээс чадах бүхнээ хийхээр зорьж байна.
Б.Ганбаяр
Багийн гишүүн
Ганбаяр нь “АШУҮИС”-ийн “Нүүр ам судлалын Сургууль”-ийн 5-р курст Шүдний их эмч мэргэжлээр суралцдаг. Ирээдүйд шүд, эрүү нүүрний мэс заслын эмчээр ажиллах зорилготой. Тэрээр Монголын “Цаст Ротаракт клуб”-ын идэвхитэй гишүүн бөгөөд олон сайн дурын үйл ажиллагаа, төслүүдэд идэвхи, санаачлагатайгаар оролцож ирсэн. Мөн АШУҮИС-ийн нийт оюутны клубуудын төлөөлөн удирдах зөвлөлийн тэргүүн хийж байсан ба үйл ажиллагаа удирдан, зохион байгуулах туршлагатай. Өөрийн чөлөөт цагаараа “Эдүкэйтэд”-ийн зүгээс зохион байгуулдаг төрөл бүрийн үйл ажиллагаа, арга хэмжээнд сайн дурын ажилтан хийдэг билээ.
Бямбаа
Багийн гишүүн
Бямбаа нь МУИС-д Мэдээллийн технологи чиглэлээр суралцдаг. Тэрээр хиймэл оюун ухааны салбарт үргэлжлүүлэн суралцах зорилготой. Үүгээрээ, МУИС-ын нээлттэй өгөгдлын хакатонд машин сургалтын арга ашиглан тэргүүн байр эзэлсэн. Мөн “Дижиталворкс” компанид дата анализ чиглэлээр дадлагаа амжилттай хийсэн. Хичээлээс гадуур төрөл бүрийн хувь хүний хөгжлийн боломжуудыг эрэлхийлдэг. Чөлөөт цагаараа нээлттэй онлайн хичээлүүд үзэх дуртай. Өмнө нь “Hub Innovation Center”-д коммюнити менежерээр, мөн Монгол Энтэрпрайзинг Эрэл хөтөлбөрд сайн дураар ажиллаж байсан. Одоо IELTS invigilator-оор ажиллаж байгаа ба Google-ийн 2019 оны зуны CodeU хөтөлбөрт уригдан оролцож байна.